Oso hiri polita izaten jarraituko du. Aukera gehiago egongo dira gazteentzat, donostiar berrien inklusioak aurrera jarraituko du, auzoen arteko aldeak gutxituko dira, hiria mundu berri batera zabalduko duen abiadura handiko tren bat izango dugu… Baina, era berean, hiria zahartuagoa egongo da.

Hiri kohesionatua, irekia, multikulturala, iraunkorra eta modernoa izatea nahiko nuke. Donostia jasangarria, egungo larrialdi klimatikoari aurre egingo diona eta herritarren osasun ona eta bizi-kalitatea zaindu eta bermatuko duena: sarbide eta komunikazio bide egokiekin, biztanle gazte ugariekin eta, esango nizuke, hain kontsumista izan gabe. Hau da, hiri gazteagoa izatea, kohesionatuagoa bere adineko pertsonekin eta beste kultura batzuetan integratuagoa egotea gustatuko litzaidake.

2030eko nire Donostia turismo iraunkorragatik eta kalitatezkoagatik nabarmenduko den hiri bat da, non etortzen direnek zein bertan bizi direnek, hiriaren onenaz eta naturaz, eskaintza gastronomiko hoberenaz eta merkataritza lokal bereiztuaz gozatzeko aukera izango duten, moda iraunkorreko alternatiba ugarirekin. Gainera, 2030eko nire Donostia hirugarren adineko kolektiboarentzat, geroz eta handiagoa eta garrantzitsuagoa den talde sozial honentzat, azpiegituretan, zerbitzuetan eta aisialdi aukeretan aberatsa izango den hiri bat izango da.

Nire 2030ko Donostia anitza eta ekintzailea da

Sustraiak galdu gabe munduari irekia dagoen Donostia nahiko nuke, bere herritar, inguru eta hizkuntzekin sintonizatua dagoen hiria, zientzian eta, orohar, kulturan jantzia eta bizia, pertsona eta ideia berriak integratzeko ahalmena duen hiri malgua.