Sanzek etorkizuneko hiriak izango ditu aztergai, eta aldaketa klimatikoaren aurrean garatzen ari diren proiektuak landuko ditu, Donostiaren errealitatetik abiatuta.
Hitzordua martxoaren 22an, asteartea, izango da, arratsaldeko 17:00etan Zoom plataformaren bidez, eta Eneko Goia Donostiako alkateak eta Daniel Zulaika Donostiako Gizarte Kontseiluko presidenteak hartu dute parte saioan. Ordubete inguruko iraupena izango du, eta galderak egin ahal izango dira plataformaren bidez.
Interesatuek, esteka honen bidez eman beharko dute izena martxoaren 21a baino lehen, eta Zoom plataformara sartzeko esteka webinarra baino egun bat lehenago jasoko dute.
Ibilbide profesional sendoa
María José Sanz Sánchez (Valentzia, 1963) Zientzia Biologikoetan doktorea da Valentziako Unibertsitatean (1991), eta hainbat arlo zientifikotan egin du lan: ekofisiologian, airearen kutsaduraren ondorioetan, beheko eta goiko landareetan, dinamika eta kimika atmosferikoan, nitrogeno eta karbono zikloetan, berotegi-efektuko gasetan eta horiekin lotutako beste gas batzuetan, berotegi-efektuko gas inbentarioetan, LULUCF eta REDD +.
Klima Aldaketaren auzia dimentsio politikotik kudeatzeko lan-taldeetako kidea izan da, FAO (Elikadura eta Nekazaritzarako Nazio Batuen Erakundea) edo CMNUCC (Klima Aldaketari buruzko Nazio Batuen Esparruko Konbentzioa) bezalako zentroetan gauzatutako erabaki politikoak gidatuz. Esperientzia du prozesu multilateraletan, esparru erregulatzaileetan, neurri-politikoetan eta Klima Aldaketaren Politikako tresnetan. Gainera, hainbat programaren ezarpen-prozesuak zuzendu ditu.
Klima Aldaketari buruzko Adituen Gobernu Arteko Taldeko (IPCC) kidea eta kolaboratzailea da, eta 300 argitalpen baino kaleratu ditu, gehienak, airearen kutsaduraren eta klima-aldaketaren eremuetan.
