Donostiako Gizarte Kontseiluaren Batzorde Iraunkorrak urteko lehen bilera izan zuen asteazkenean, urtarrilak 25, 2023 honetarako ekintzen egutegia adosteko. Lehentasunen artean daude SER irrati-katean hiritarren intereseko gaien inguruan urtero antolatzen diren hiru eztabaidak eta gaurkotasunezko aztergaiak lantzeko proposatzen diren Topaketa saioak.
Euskadiko Kooperatiben Konfederazioak (KONFEKOOP), Nafarroako Gizarte Ekonomiako Enpresek (ANEL) eta Nafarroako Nekazaritzako Elikagaien Kooperatiben Batasunak (UCAN) Euskadiko eta Nafarroako Kooperatiben I. Foroaren lehen bilkura egin zuten atzo, urtarrilaren 25ean, Donostiako Miramar jauregian. Topaketak bat egiten du 2023ko Donostiaren Gizarte Ekonomia Hiriburutzarekin, azken honen helburua, lurraldeko esperientzia garrantzitsuak ezagutaraztea eta planteatzen dituen erronka nagusien inguruko eztabaida sustatzea baita.
Donostiako Gizarte Kontseiluak urteko hirugarren eta azken osoko bilkura egin du gaur, abenduak 1. Urteko jardunaren balorazioa egiteaz eta ekitaldia ixteaz gain, 2022ko hiritarren ekimen onenaren Gizarte Kontseiluaren I. Sariak banatu dituzte finalisten artean. Daniel Zulaika Kontseiluaren presidenteak gidatu du saioa, Gemma Estevez Gipuzkoako Erizainen Elkargo Ofizialeko presidenteordea eta Eneko Goia Donostiako alkatea alboan zituela, eta hiriko kolektibo ezberdinek egindako lana balioan jarri du.
Donostiako Udaleko Osasun eta Ingurumen Saileko zuzendari Josu Benaitok, Gazte Ekoliderrak 21-22 programako kide Maitane Müllerrek eta Emaus Gizarte Fundazioko marketin-zuzendari eta Donostiako Gizarte Kontseiluko kide Begoña Cabaleirok hartu dute parte Radio San Sebastian irrati-kateko Hoy por Hoy saioan, hiriko egungo kutsadurari buruz hitz egiteko.
Eraldaketa sozialaren inguruko hausnarketa eragiteko asmoz, ASPEGI Gipuzkoako Emakume Profesional, Enpresaburu eta Zuzendarien Elkarteak bederatzigarren Foroa antolatu du. Betan hartu du parte Myrtha B. Casanova Mederos Aniztasuna Kudeatzeko Europako Institutuaren sortzaileak.
Kooperatibismoarekin eta erakunde publiko-pribatuen arteko harremanarekin lotutako gizarte- eta enpresa-berrikuntza eredua ezagutzeko helburuarekin etorri da Japoniako ordezkaritza Gipuzkoara. Atzo, azaroak 14, Mondragon Korporazioaren hainbat egoitza bisitatu zituzten, eta gaur, hilak 15, hiriburuko zentro estrategiko nagusiak ezagutzen ari dira.
SER irrati-kateko Hoy por Hoy San Sebastián saioak Donostiako Udaleko Gizarte Kontseiluaren urteko hirugarren eta azken saioa eskainiko du datorren azaroaren 23an, asteazkenarekin. Hiriaren egungo kutsadura izango dute aztergai gonbidatuek.
Espainiako Ekonomia eta Gizarte Lanetarako Ministerioak gaur goizean jakinarazi du Donostia izango dela 2023ko Gizarte Ekonomiaren Hiriburu. Hiriburutzaren helburua lurraldeko gizarte-ekonomia ikusaraztea, esperientzia garrantzitsuak ezagutaraztea eta erronka nagusien inguruko eztabaida sustatzea da.
Pilar Lekuona Gipuzkoako Erizainen Elkargo Ofizialeko presidenteak, Julio Arrizabalaga Biodonostia Osasun Ikerketarako Institutuko zuzendari zientifiko ohiak eta Itziar Vergara Biodonostia Osasun Ikerketarako Institutuko lehen mailako arretaren arduradunak hartu zuten parte atzo, urriak 18, medikuntzaren azken hamarkadetako aurrerapen nagusiei buruz Donostiako Gizarte Kontseiluak antolatutako topaketan. Tabakalerako Z Aretoan izan ziren, gainera, osasunaren alorreko lurraldeko bost elkargo profesionaletako presidenteak (Medikuntza, Erizaintza, Farmazia, Albaitaritza eta Odontologia).
