Berriak

Gizarte Kontseiluaren eguneroko lana eta bertako kideak donostiarrei hurbiltzeko eta ezagutarazteko asmoz, elkarrizketa formatuko bideo-sorta bat prestatu du Kontseiluak, datozen hilabeteetan, apurka, argitaratuko direnak.

Donostiako Gizarte Kontseiluak atzo, apirilaren 19an, egin zuen legealdiko azken osoko bilkura udaletxeko areto nagusian. Daniel Zulaika presidenteak legealdiko lehen saioari erreferentzia eginez zabaldu zuen topaketa, hain zuzen, Covid19aren izurriak eragindako itxialdia baino astebete lehenago egin baitzen. “Hori ere gainditu dugu, eta hemen jarraitzen dugu, hiru urte geroago”, nabarmendu zuen.

Aurtengo ekainean hamar urte beteko dira Donostia Lagunkoiak Boulevardean antolatu zuen topaketatik; elkarretaratze hark proiektuaren oinarriak finkatzen lagundu zuen. 

Pertsonak ekonomiaren erdigunean izango da 2023ko Gizarte Ekonomiaren Hiriburutzaren leloa. Donostian egoitza duen Gureak gizarteratze-enpresan egin da gaur, otsailak 24, irekiera-ekitaldia, eta bertan izan dira Hiriburutza babesten duten lau erakundeetako ordezkariak (Donostiako Udala, Gipuzkoako Foru Aldundia, Eusko Jaurlaritza eta Espainiako Gobernua), baita gizartea egituratzeko eta kohesionatzeko duen ahalmenagatik, pisua eta garrantzia hartzen ari den Gizarte Ekonomiaren alorreko dozenaka enpresa, elkarte eta erakundetako arduradunak ere.

Donostiako Gizarte Kontseiluak hiritarren ekimen onenaren sariaren lehen edizioa antolatu zuen iaz, eta zortzi proiektu aurkeztu ziren deialdira. Gizarte Kontseiluko Batzorde Iraunkorreko kideek osatutako epaimahaiak hiru nabarmendu zituen, eta lehen sari bat eta bi diploma banatu zitzaizkien abenduan, Gizarte Kontseiluaren osoko bilkuraren ondoren egin zen ekitaldian. Astelehenean, otsailak 20, SER irrati-kateko Hoy por Hoy San Sebastián programaren eztabaidan hartu zuten parte hiru proiektuetako ordezkariek.

Donostiako Gizarte Kontseiluak SER irrati-kateko Hoy por Hoy San Sebastián saioan antolatzen duen urteko lehen saioa datorren astelehenean, otsailak 20, egingo dute. Bertan parte hartuko dute Gizarte Kontseiluak iaz banatu zuen hiritarren ekimen onenaren I. Sarian finalista suertatu ziren hiru proiektuetako ordezkariek. 

Hiriko Gizarte Kontseiluak atzo, urtarrilak 30, abiatu zuen urteko bilera-egutegia, 2023ko udal aurrekontuei buruzko informazio-saioarekin. Kerman Orbegozo Udaleko Ogasun eta Finantzetako zinegotzi ordezkariak egindako aurkezpena iazko abenduko osoko bilkuran egitekoa zen, baina saioa atzeratu beharrean izan ziren udalak Mugi txartelaren deskontuari egin beharreko ekarpena zehaztu arte, zenbatekoak eragin zuzena baitzuen aurrekontuan.

Donostiako Gizarte Kontseiluaren Batzorde Iraunkorrak urteko lehen bilera izan zuen asteazkenean, urtarrilak 25, 2023 honetarako ekintzen egutegia adosteko. Lehentasunen artean daude SER irrati-katean hiritarren intereseko gaien inguruan urtero antolatzen diren hiru eztabaidak eta gaurkotasunezko aztergaiak lantzeko proposatzen diren Topaketa saioak.