Joan den maiatzaren 25eko udal hauteskundeen ondoren, Donostiako Gizarte Kontseiluak osoko bilkura egingo du azaroaren 28an, asteartearekin, araudi organikoak ezartzen dituen karguak berritzeko. Berrikuntza hori korporazio-aldaketarekin egiten da, 4 urtean behin, erakunde eta kide guztien ordezkagarritasuna bermatzeko. Ondoren, Gizarte Kontseiluaren Sariaren bigarren edizioko sari-banaketa egingo da.
Espainiako Gobernuko Lan eta Gizarte Ekonomia Ministerioak antolatuta, Gizarte Ekonomiaren Europako Konferentzia egin da egunotan Donostian, Gizarte Ekonomiaren Hiriburutzaren jarduera-programaren baitan.
Aichiko Prefekturako ordezkaritza bat Bilbon eta Donostian izan da egunotan, hiri adimendunen sustapenari buruz ikasten. Aichiko Prefaturako Batzarreko 15 diputatuk osatu dute ordezkaritza, eta Donostiako Estrategia Bulegoko zuzendari Kepa Kortarekin, Donostia Sustapena agentziako zuzendari-gerente Iñigo Olaizolarekin eta Tecnaliako Mugikortasun Iraunkor eta Adimentsuaren Estrategia-arduradun Javier Coletorekin elkartu dira gaur, Donostian.
Zaragozako Udalak eta EBROPOLIS Hiriaren eta Inguruaren Garapen Estrategikorako Elkarteak antolatuta, Lurralde Plangintza Estrategikoaren Topaketaren hogeita seigarren edizioa ospatu dute egunotan. Hirien metropolizazio prozesuak planifikazio estrategikoaren alorrean planteatzen dituen erronkak izan dituzte aztergai, fenomeno hori hainbat ikuspegitatik jorratzeko. Donostiako Udalak, hiriko Estrategia Bulegoaren eta haren zuzendari Kepa Kortaren bidez, hartu du parte topaketan.
Donostiako Gizarte Kontseiluaren Batzorde Iraunkorrak bilera egin zuen atzo, urriaren 10ean, Gizarte Kontseiluaren idazkaritza teknikoaren egoitzan, hau da, Donostiako Estrategia Bulegoan.
The Break: women entrepreneurship & internationalisation in Spain programaren bigarren edizioak aurrera jarraitzen du, eta orotara, Europar Batasunean bizi diren 720 emakume ekintzailek jasoko dute formakuntza, negozio- eta ekintzailetza-garapeneko prozesuen buru izan daitezen. Programa honen baitan, Impact Hub Donostiak bi ekintzaile talde hartuko ditu; lehenengoak udaberrian egin zuen egonaldia, eta bigarrenak lur hartu berri du Gipuzkoako hiriburuan.
Food Coop dokumentalaren proiekzioak eta ikustaldiaren ondorengo solasaldiak agerian utzi dute gizarte-ekonomiaren balio soziala eta gizarte-ekonomiako enpresen eta enpresa-ereduen garrantzia.
Food Coop (Thomas Boothe, Maellanne Bonnicel, 2016) dokumentala irailaren 25ean proiektatuko dute, 18:00etan Trueba zineman.
