Berriak

Lehen topaketa honen helburua bi aldeetako lankidetzari bultzada handi bat ematea da Donostia Europako kultura-hiriburu izango dela aprobetxatuta. Topaketa, Donostia 2016 Fundazioko egoitzan burutu da. Turismo alorreko 60 enpresek eta erakunde turistikoek hartu dute parte.

Hiriko Gizarte Kontseilua gaur arratsaldean batzartu da, beste gai batzuen artean, Plan Estrategikorako Lan Batzordearen sorrera onartzeko.

Ohiko batzarrean, gainera, Gizarte Kontseiluaren Araudi Organikoaren aldaketaren berri eman dute eta Kontseiluaren barruan sortu diren Batzorde Iraunkorraren eta Inklusio Taldearen dinamika eta funtzionamendua aztertu dituzte.

Donostia Lagunkoiak Eusko Jaurlaritzak bultzatutako Euskadi Lagunkoia ekimena EAEko udalerrietan ezartzeko eta erabiltzeko gida praktikoaren aurkezpenean hartu du parte gaur. Donostia Lagunkoia Hiri Planak aldaketa demografikoaren erronka handian jarri nahi izan du arreta, eta erronka hori mezu baikor bihurtu nahi izan du.

Bartzelonako Udaleko ordezkaritza batek Donostia bisitatu du egunotan, hiri honetan bultzatzen diren zahartze aktiboaren, adineko pertsonen eta egoitza-ereduaren inguruko politikak lehen eskutik ezagutzeko.

2016 udako une indartsuenetako bat izango, literatur historiaren obra ezagunenetako bat, William Shakespeareren “Uda-gau bateko ametsa” 2016ko udako solstizioan antzeztuko da Donostian. Duela gutxi ezagutu dugun kultur proiektua da, Ahotsen Itsasargiaren barnean da eta udazkenean bere lehenengo urratsak ematen hasia da.

Irailaren amaieran Esloveniako hiriburuan, Ljubljanan, Future of Cities Foruma egin zen. Forum hau 2011. urtez geroztik egiten da eta aurten Euskadi ere bertan izan da, gonbidatutako eskualde gisa. Donostia eta Bilbo egon ziren topaketa honetan, Mondragon Taldeko hainbat erakunderekin batera. Ljubljana Green Capital izango da 2016. urtean.

Estrategia Bulegoak, pasa den irailaren 30ean, Zaragozako Udalak antolatutako eta Connecting cities, building successes europar programaren barruan kokatutako “La comunicación estratégica de la ciudad de Zaragoza” topaketan parte hartu zuen.

Juan Karlos Izagirrek, Donostiako alkateak, Manohar Parrikar, Goako lehen ministroari harrera pribatua egin zion udalean. Ondoren, Parrikar buru zuen Indiako delegaritzak, Aquariuma eta Kursaala bisitatu zituen.

Goako lehen ministroak jakin-min berezia izan zuen Donostiako mugikortasun sistemaren nondik-norakoak ezagutzeko.