Donostiako Gizarte Kontseiluak etxerik gabeko pertsonen egoera aztertzen eta egoera hori hobetzeko neurriak sustatzen eman du azken urtea. Lantaldearen emaitzak eta egindako hausnarketak partekatzeko, eztabaida-saioa antolatu du Kontseiluak aste honetan Radio San Sebastián irrati-katean.
Datorren astelehenean, martxoak 17, jarriko da martxan Donostiako Gizarte Kontseiluaren urteko eztabaida-egutegia. Radio San Sebastián (Cadena SER) irrati-katean etxerik gabeko pertsonen egoera aztertzeko solasaldia egingo da, 12:30-13:00 artean, eta Gizarte Kontseiluak iaz sortu zuen lan-taldeko hiru kidek hartuko dute parte hitzorduan.
Donostiako Gizarte Kontseiluaren Batzorde Iraunkorra aste honetan bildu da batzordeko kideek Udalaren Hiri Antolamendurako Plan Orokorraren (HAPO) aurrerapen-dokumentuari egindako ekarpenak aztertzeko.
Donostiako Gizarte Kontseiluak urteko lehen bilera egin zuen urtarrilaren 28an, 2025eko ekitaldiari hasiera emateko. Lehen saio honetan hiriaren etorkizunerako funtsezkoak diren hiru gai aztertu ziren: Etxerik Gabeko Pertsonen lantaldeak Lanerako Dekalogoa eman zion Eneko Goia Donostiako alkateari, udal aurrekontuaren proiektua aurkeztu zen eta Hiri Antolamenduko Plan Orokorraren aurrerapenaren berri eman zen.
Atzo goizean inauguratu zen ASETT Arizmendiarrieta Social Economy Think Tank zentroa Miramar Jauregian. Gizarte ekonomiari eskainitako nazioarteko bokaziodun espazioa da, eta ekitaldian izan ziren instituzioetako ordezkari eta sektoreko eragile nabarmenak, gizarte ekonomiaren alorrean Donostiaren erreferentzialtasuna agerian utziz.
Donostiako Gizarte Kontseiluaren Sariaren hirugarren edizioko diplomak banatu eta astebetera, SER kateak topaketa bat antolatu du aurtengo hiru proiektu finalistei ahotsa emateko. Saritutako ekimenen ordezkariek hainbat hausnarketa partekatu dituzte solasaldian, eta hiriko Gizarte Kontseiluak ematen duen sariaren bultzada azpimarratu dute.
Donostiako Gizarte Kontseiluak atzo, abenduaren 11n, egin zuen urteko azken bilera. Hiriarentzat estrategikoak diren hainbat proiekturen aurrerapenak aurkeztu ziren bertan, eta hiritarren ekimen onenaren Gizarte Kontseiluaren III. Sariko finalistei diplomak banatu zitzaizkien.
Donostiako 2030 Plan Estrategikoaren Zientzia Lantaldearen bigarren bilera azaroaren 20an izan zen, Euskadiko Parke Teknologikoaren Donostiako campusean. Topaketak hiriko zentro teknologiko nagusietako ordezkariak bildu zituen, baita Eneko Goia Donostiako alkatea, Kepa Korta Estrategia Bulegoko zuzendaria eta Anna Bröll Bartzelonako Udaleko Zientzia eta Berrikuntza Saileko arduraduna ere.
Eneko Goia Donostiako alkatea Coruñan izan da Atlantic Cities sareko zuzendaritzaren bileran. Bresten egindako azken batzarrean Coruña hiriari eskualdatu zion lehendakaritza Donostiak, eta bisita honetan, babesa eta lankidetza agertu dizkiote Donostiako alkateak eta Estrategia Bulegoko zuzendari Kepa Kortak sareko presidente berria den Ines Rey García Coruñako alkateari.
