Estrategia Donostia

Izaera propioa gara
Oreka gara
Hiria gara
Lidergoa gara
Abangaordia gara

Ongi etorria E2030DSS

Donostiako Estrategia Bulegotik, 5 zutabe sendoren gainean eraikitako 2030 Plan Estrategikoa aurkeztu dugu: Izaera, Oreka, Hiria, Abangoardia eta Lidergoa. Zutabe horietan bermatzen dira helburu estrategikoak eta ekintza-lerroak.

Aldaketa sustatzea dugu helburu, gure hiriaren bilakaera, aurrerabidea eta gizarte-, ekonomia- eta lurralde-garapen jasangarria bultzatzeko.

Ekintza-lerroak ezarrita, elkarlanean aritzeko garaia dugu aurretik, amesten dugun hiria eraki ahal izateko, GUZTION ARTEAN.

2030 Plana Planaren aurkezpena Aurkezpenaren bideoa

Berriak Ikusi berri guztiak

2025 Urtarrila 30

2025eko aurrekontuen, Plan Orokorraren eta Etxerik Gabeko Pertsonen Dekalogoaren azterketarekin hasi du urteroko jarduna Gizarte Kontseiluak

Donostiako Gizarte Kontseiluak urteko lehen bilera egin zuen urtarrilaren 28an, 2025eko ekitaldiari hasiera emateko. Lehen saio honetan hiriaren etorkizunerako funtsezkoak diren hiru gai aztertu ziren: Etxerik Gabeko Pertsonen lantaldeak Lanerako Dekalogoa eman zion Eneko Goia Donostiako alkateari, udal aurrekontuaren proiektua aurkeztu zen eta Hiri Antolamenduko Plan Orokorraren aurrerapenaren berri eman zen.

2025 Urtarrila 17

ASETT Gizarte Ekonomiaren Abangoardiako Hub-ak ateak ireki ditu Miramar Jauregian

Atzo goizean inauguratu zen ASETT Arizmendiarrieta Social Economy Think Tank zentroa Miramar Jauregian. Gizarte ekonomiari eskainitako nazioarteko bokaziodun espazioa da, eta ekitaldian izan ziren instituzioetako ordezkari eta sektoreko eragile nabarmenak, gizarte ekonomiaren alorrean Donostiaren erreferentzialtasuna agerian utziz.